Deepika
ADVERTISEMENT
National
ന്യൂഡൽഹി: വിദ്യാഭ്യാസ രംഗത്ത് ആർട്ടിഫിഷ്യൽ ഇന്റലിജൻസിന്റെ (എഐ) സാധ്യതകൾ കൂടുതൽ പ്രയോജനപ്പെടുത്തുന്നതിനായി വിദ്യാർഥികൾക്ക് ആകർഷകമായ ഓഫറുകളും പുതിയ പഠന ഫീച്ചറുകളും പ്രഖ്യാപിച്ച് ഗൂഗിൾ. ഇന്ത്യയിലെ ഉന്നത വിദ്യാഭ്യാസ സ്ഥാപനങ്ങളിൽ പഠിക്കുന്ന യോഗ്യരായ വിദ്യാർഥികൾക്ക് 12 മാസത്തേക്ക് ‘ഗൂഗിൾ എഐ പ്ലസ്’ സബ്സ്ക്രിപ്ഷൻ പൂർണമായും സൗജന്യമായി ലഭിക്കും. 2026 ഡിസംബർ 31 വരെ വിദ്യാർഥികൾക്ക് ഈ ഓഫർ സ്വന്തമാക്കാവുന്നതാണ്.
400 ജിബി സ്റ്റോറേജും വിപുലമായ ഫീച്ചറുകളും
പ്രതിമാസം പണം നൽകി ഉപയോഗിക്കേണ്ട ഗൂഗിൾ എഐ പ്ലസ് പ്ലാനിലൂടെ 400 ജിബി ക്ലൗഡ് സ്റ്റോറേജ്, ജെമിനിയുടെ ഉയർന്ന ഉപയോഗ പരിധി എന്നിവ വിദ്യാർഥികൾക്കു ലഭിക്കും. കൂടാതെ, എഐ അധിഷ്ഠിത ഇമേജ്-വീഡിയോ-സംഗീത നിർമാണ സൗകര്യങ്ങൾ, നോട്ട്ബുക്ക് എൽഎമ്മിന്റെ അധിക ഫീച്ചറുകൾ, കൂടുതൽ കരുത്തുറ്റ ജെമിനി എഐ മോഡലുകളുടെ ഉപയോഗം എന്നിവയും ഈ പ്ലാനിന്റെ ഭാഗമായി ലഭ്യമാകും.
പഠന സഹായിയായി ‘സ്റ്റഡി നോട്ട്ബുക്സ്’
വിദ്യാർഥികളുടെ പഠന പങ്കാളിയായി ജെമിനിയെ മാറ്റുന്നതിനായി ‘സ്റ്റഡി നോട്ട്ബുക്സ്’ എന്ന പുതിയ ഫീച്ചറും ഗൂഗിൾ അവതരിപ്പിച്ചു. ക്ലാസ് നോട്ടുകളും മറ്റു പഠന സാമഗ്രികളും അപ്ലോഡ് ചെയ്താൽ, വിദ്യാർഥികളുടെ ആവശ്യത്തിനനുസരിച്ച് വ്യക്തിഗത പഠന പദ്ധതികൾ ജെമിനി തയാറാക്കി നൽകും. ഇതിലൂടെ പഠന വിവരങ്ങൾ അടിസ്ഥാനമാക്കി ക്വിസുകൾ നടത്താനും കൂടുതൽ ശ്രദ്ധ നൽകേണ്ട പാഠഭാഗങ്ങൾ കണ്ടെത്തി ലഘുവായ ഇന്ററാക്ടീവ് പാഠങ്ങൾ നൽകാനും സാധിക്കും. ചോദ്യങ്ങൾക്കു നേരിട്ട് ഉത്തരം നൽകുന്നതിനു പകരം, പടിപടിയായുള്ള മാർഗനിർദേശങ്ങളിലൂടെ ആശയങ്ങൾ സ്വയം മനസിലാക്കാൻ സഹായിക്കുന്ന ‘ഗൈഡഡ് ലേണിംഗ്’ രീതിയാണ് ഇതിൽ ഉൾപ്പെടുത്തിയിരിക്കുന്നത്.
യോഗ്യതയും നേടേണ്ട വിധവും
കുറഞ്ഞത് 16 വയസ് പ്രായമുള്ള, അംഗീകൃത ഉന്നത വിദ്യാഭ്യാസ സ്ഥാപനങ്ങളിൽ പഠിക്കുന്ന വിദ്യാർഥികൾക്കാണ് ഈ സൗജന്യ ആനുകൂല്യം ലഭിക്കുക. ഗൂഗിൾ വൺ സ്റ്റുഡന്റ് ഓഫർ പേജ് വഴി വിദ്യാർഥികൾക്ക് തങ്ങളുടെ വ്യക്തിഗത ഗൂഗിൾ അക്കൗണ്ട് ഉപയോഗിച്ച് ലോഗിൻ ചെയ്യാം. തുടർന്ന് കോളജ് അല്ലെങ്കിൽ സ്കൂൾ ഇ-മെയിൽ ഐഡി നൽകി വിദ്യാർഥിയാണെന്നു സ്ഥിരീകരിച്ച് ഓഫർ ക്ലെയിം ചെയ്യാവുന്നതാണ്. ഇന്ത്യയിലെ വിദ്യാർഥികൾക്ക് എഐ സാങ്കേതികവിദ്യ പ്രാപ്യമാക്കുന്നതിനും പഠന നിലവാരമുയർത്തുന്നതിനും ഗൂഗിളിന്‍റെ ഈ നടപടി വലിയ സഹായമാകും.
National
ന്യൂഡൽഹി: കേന്ദ്ര മന്ത്രാലയങ്ങളും സർക്കാർ വകുപ്പുകളും തങ്ങളുടെ സൈബർ സുരക്ഷാ പ്രവർത്തനങ്ങൾക്കായി ഓപ്പൺഎഐ, ആന്ത്രോപിക് തുടങ്ങിയ വിദേശ കമ്പനികളുടെ നിർമിതബുദ്ധി മോഡലുകൾ ഉപയോഗിക്കുന്നത് താത്കാലികമായി നിർത്തിവെക്കാൻ ഐടി മന്ത്രാലയത്തിന് കീഴിലുള്ള ഏജൻസി നിർദേശം നൽകി. സുരക്ഷാ ഭീഷണികളും ഡാറ്റാ സ്വകാര്യതയും കണക്കിലെടുത്താണ് ഈ സുപ്രധാന തീരുമാനം.
വിദേശ കമ്പനികളുടെ മോഡലുകളിൽ സർക്കാർ വിവരങ്ങൾ കൈമാറുമ്പോൾ അത്യാവശ്യമായ സുരക്ഷാ ഉറപ്പുകൾ ലഭിക്കുന്നില്ലെന്നാണ് മന്ത്രാലയം വ്യക്തമാക്കുന്നത്. തന്ത്രപ്രധാനമായ സർക്കാർ രേഖകൾ ഈ മോഡലുകൾ ഉപയോഗിച്ച് വിശകലനം ചെയ്യുന്നത് വിവരച്ചോർച്ചയ്ക്ക് ഇടയാക്കിയേക്കാമെന്നും നിർണായകമായ സൈബർ സുരക്ഷാ സംവിധാനങ്ങൾ വിദേശ അൽഗോരിതങ്ങളെ ആശ്രയിക്കുന്നത് രാജ്യത്തിന്റെ ഡിജിറ്റൽ പരമാധികാരത്തിന് ഭീഷണിയാണെന്നും സർക്കാർ കരുതുന്നു.
എഐ മോഡലുകൾക്ക് പിഴവുകൾ സംഭവിക്കാൻ സാധ്യതയുള്ളതിനാൽ, അതീവ പ്രാധാന്യമുള്ള സൈബർ സുരക്ഷാ മേഖലകളിൽ ഇവ ഉപയോഗിക്കുന്നത് അപകടകരമാണെന്നും വിദഗ്ധർ ചൂണ്ടിക്കാട്ടുന്നുണ്ട്. വിദേശ മോഡലുകൾക്ക് പകരം തദ്ദേശീയമായി വികസിപ്പിച്ചെടുത്തതോ വിശ്വസനീയമായ സുരക്ഷാ സംവിധാനങ്ങളോ മാത്രം ഉപയോഗിക്കാനാണ് വകുപ്പുകളോട് ഐടി മന്ത്രാലയം ആവശ്യപ്പെട്ടിട്ടുള്ളത്.
സർക്കാർ ഡിജിറ്റൽ സംവിധാനങ്ങളുടെ സുരക്ഷ ഉറപ്പാക്കാനും ഭാവിയിലുണ്ടാകാൻ സാധ്യതയുള്ള ഡിജിറ്റൽ ആക്രമണങ്ങളെ പ്രതിരോധിക്കാനുമാണ് മന്ത്രാലയം ഇത്തരമൊരു നിലപാട് സ്വീകരിച്ചത്. എഐ സാങ്കേതികവിദ്യ ഉപയോഗിക്കുന്നതിനെതിരെയല്ല, മറിച്ച് അതിന്റെ സുരക്ഷിതമല്ലാത്ത ഉപയോഗത്തിനെതിരെയാണ് ഈ ജാഗ്രതാ നിർദേശമെന്നും മന്ത്രാലയം വ്യക്തമാക്കുന്നുണ്ട്.
Kerala
കല്പ്പറ്റ: കഴിഞ്ഞ സര്ക്കാരില് മുഖ്യമന്ത്രി ഐടി വകുപ്പ് കൈകാര്യം ചെയ്തതില് തെറ്റില്ലെന്ന് പ്രതിപക്ഷ നേതാവ് പിണറായി വിജയന്‍. ഐടി വകുപ്പ് താന്‍ കൈവശം വച്ചത് ദുഃസൂചനയോടെ മുഖ്യമന്ത്രി പരാമര്ശിക്കുന്നതു കണ്ടുവെന്നും പ്രതിപക്ഷ നേതാവ് വാര്ത്താസമ്മേളനത്തില് പറഞ്ഞു.
വ്യവസായ വകുപ്പ് കൈകാര്യം ചെയ്യുന്ന മന്ത്രിതന്നെയാണ് ഐടി വകുപ്പ് ഏറ്റെടുക്കാറുള്ളതെന്നാണ് അദ്ദേഹം പറഞ്ഞത്. അത് യുഡിഎഫിന് ബാധകമായ കാര്യമാണ്. എല്ഡിഎഫിന് അതു ബാധകമല്ല. എല്ഡിഎഫ് സര്ക്കാരുകളിലെ മുഖ്യമന്ത്രിമാര് ഐടി വകുപ്പ് കൈാര്യം ചെയ്തത് കാണാന് സാധിക്കും.
2006ല്‍ വി.എസ്. അച്യുതാനന്ദന് മുഖ്യമന്ത്രി ആയപ്പോള് ഐടി വകുപ്പ് കൈകാര്യം ചെയ്തു. 1996ല്‍ മുഖ്യമന്ത്രിയായ ഇ.കെ. നായനാരായിരുന്നു ഐടി വകുപ്പിന്റെ മന്ത്രിയും. ഇപ്പോള് മുഖ്യമന്ത്രി സൂചിപ്പിക്കാന് ശ്രമിച്ചത് കഴിഞ്ഞ എല്ഡിഎഫ് സര്‍ക്കാരിന്‍റെ മുഖ്യമന്ത്രി ഐടി വകുപ്പ് കൈകാര്യം ചെയ്തത് ഒറ്റപ്പെട്ട സംഭവമാണെന്നാണ്.
ഇത് എല്ഡിഎഫ് സര്ക്കാരുകൾ സ്വീകരിച്ചുവന്ന രീതിയാണ്. ഇതൊന്നും അറിയാതെയല്ല മുഖ്യമന്ത്രി പറഞ്ഞത്. ഏതായാലും ഇത്തരം രീതികള് മുഖ്യമന്ത്രിക്ക് ചേര്ന്നതാണോയെന്ന് അദ്ദേഹം സ്വയം പരിശോധിക്കുന്നത് നന്നാകുമെന്നും പിണറായി വിജയന്‍ പറഞ്ഞു.
വിഴിഞ്ഞം ഓഹരി കൈമാറ്റം സര്ക്കാരിന് ഒഴിഞ്ഞു മാറാനാകില്ല
വിഴിഞ്ഞം തുറമുഖ കമ്പനിയിലെ അദാനിയുടെ ഓഹരി കൈമാറ്റത്തില് തൊടുന്യായങ്ങള് പറഞ്ഞ് സര്ക്കാരിന് ഒഴിഞ്ഞുമാറാനാകില്ലെന്ന് പ്രതിപക്ഷ നേതാവ് പിണറായി വിജയന്‍.
ദേശാഭിമാനിയെ പഴിചാരി സ്വന്തം വാദങ്ങള് ന്യായീകരിക്കാനാണു മുഖ്യമന്ത്രി ശ്രമിക്കുന്നത്. ദേശാഭിമാനിക്ക് ഓഹരി കൈമാറ്റം മുന്കൂട്ടി അറിയാമായിരുന്നുവെന്നും ഈ വിവരം മുന്സര്ക്കാരില്നിന്നു ലഭിച്ചതാണെന്നും പറയുന്നു.
Kerala
കാസർഗോഡ്: സംസ്ഥാനത്തെ പ്രാഥമിക സഹകരണ സംഘങ്ങള്ക്ക് പൊതു സോഫ്റ്റ്വേര് തയാറാക്കാനുള്ള പദ്ധതിയില്‍ നിന്ന് ടാറ്റാ കണ്സള്ട്ടന്സിയെ ഒഴിവാക്കിയത് സിങ്കിള് ബിഡര് ആയതു കൊണ്ടാണെന്ന മന്ത്രി വാസവന്റെ വാദം പച്ചക്കള്ളമാണെന്നും രണ്ടാമതും ടെൻഡർ വിളിച്ച് ഈ ചുമതല ദിനേശ് സഹകരണ സംഘത്തെ ഏൽപ്പിച്ചതിൽ ശക്തമായ കള്ളക്കളികൾ നടന്നിട്ടുണ്ടെന്നും കോൺഗ്രസ് നേതാവ് രമേശ് ചെന്നിത്തല. കാസർഗോട്ട് മാധ്യമപ്രവർത്തകരുമായി സംസാരിക്കുകയായിരുന്നു അദ്ദേഹം.
ഏക ബിഡറായാലും അനുവദിക്കാമെന്ന കേന്ദ്ര നിയമത്തിന്റെ അടിസ്ഥാനത്തില് നിരവധി കൂടിയാലോചനകള്ക്കും നിയമോപദേശത്തിനും ശേഷമാണ് ടാറ്റാ കണ്സള്ട്ടന്സിയെ ചുമതലപ്പെടുത്തി സര്ക്കാര് ഉത്തരവ് ഇറങ്ങിയത്. ഉത്തരവ് ഇറക്കിയ ശേഷം പിന്നെയും ഇതേ കാരണം പറഞ്ഞ് ഒഴിവാക്കിയെന്നു പറയുന്നത് കള്ളക്കളിയാണ്.
രണ്ടാമതും ടെന്‍ഡര്‍ വിളിച്ചത് സംസ്ഥാനത്തെ 1612 പ്രാഥമിക സംഘങ്ങളും അവയുടെ ശാഖകളുമടക്കം 4415 ഇടങ്ങളില് പൊതു സോഫ്റ്റ്വേര് സ്ഥാപിക്കുന്നതിനു വേണ്ടിയായിരുന്നു.
ടെന്‍ഡര്‍ പ്രക്രിയയില് സര്ക്കാര് തലത്തില് ഉണ്ടായ ഇടപെടലുകളും ക്രമക്കേടുകളും സംബന്ധിച്ച് സിഎജിയുടെയോ ഹൈക്കോടതിയുടെയോ മേല്നോട്ടത്തിൽ അന്വേഷണം നടത്തണമെന്ന് രമേശ് ചെന്നിത്തല ആവശ്യപ്പെട്ടു.
യുഡിഎഫ് അധികാരത്തിലെത്തിയാൽ ഈ കള്ളക്കളി പൊളിച്ചടുക്കുമെന്നും ഇതിന് കൂട്ടുനിന്ന ഉദ്യോഗസ്ഥര്ക്കെതിരേ നടപടിയെടുക്കുമെന്നും ചെന്നിത്തല പറഞ്ഞു.
Kerala
തിരുവനന്തപുരം: സഹകരണ സ്ഥാപനങ്ങളില്‍ പൊതു സോഫ്റ്റ്‌വെയര്‍ നടപ്പാക്കാനായി മറ്റു കമ്പനികളെ ഒഴിവാക്കിയെന്ന കോണ്‍ഗ്രസ് നേതാവ് രമേശ് ചെന്നിത്തലയുടെ ആരോപണം തെറ്റാണെന്നു മുഖ്യമന്ത്രി പിണറായി വിജയന്‍.
ഏകദേശം 45 കമ്പനികള്‍ക്ക് കണ്‍സോര്‍ഷ്യം രൂപത്തില്‍ പങ്കെടുക്കാന്‍ അവസരം നല്‍കിയിരുന്നു. സാങ്കേതിക വിലയിരുത്തലില്‍ യോഗ്യമായ കമ്പനിക്ക് ഉയര്‍ന്ന മാര്‍ക്ക് ലഭിക്കുകയും അത് ഹൈക്കോടതി അംഗീകരിക്കുകയും ചെയ്തിട്ടുണ്ട്. എല്ലാം സുതാര്യമാണ്. ആരോപണം വസ്തുതകളില്ലാത്തതാണ്.
2021ലെ ടെന്‍ഡര്‍ പ്രകാരം 206 കോടി രൂപയ്ക്ക് ടാറ്റാ കണ്‍സള്‍ട്ടന്‍സി സര്‍വീസസിന് ലെറ്റര്‍ ഓഫ് ഇന്‍റന്‍റ് നല്‍കിയിരുന്നെങ്കിലും, 2024 ഒക്ടോബറില്‍ അവര്‍ ഏകപക്ഷീയമായി പിന്മാറി. തുടര്‍ന്ന് 2025 മാര്‍ച്ചില്‍ ചീഫ് സെക്രട്ടറിയുടെ അധ്യക്ഷതയില്‍ ചേര്‍ന്ന യോഗം പുതിയ ടെന്‍ഡര്‍ ക്ഷണിക്കാന്‍ തീരുമാനിച്ചു.
ഹൈലെവല്‍ കമ്മിറ്റിയുടെ വിശദ പരിശോധനയും നിയമവകുപ്പിന്‍റെ അനുമതിയും ലഭിച്ച ശേഷം ടെക്‌നിക്കല്‍, ഫിനാന്‍ഷ്യല്‍ ബിഡുകള്‍ വിലയിരുത്തി ടെന്‍ഡര്‍ നടപടി പൂര്‍ത്തിയാക്കി. ഹൈക്കോടതിയും ടെന്‍ഡര്‍ നടപടി തുടരാനും വിജയിച്ച ബിഡര്‍ക്ക് അവാര്‍ഡ് നല്‍കാനും അനുമതി നല്‍കി.
പുതിയ പദ്ധതിയില്‍ ഡാറ്റയും സോഴ്‌സ് കോഡും സര്‍ക്കാരിന്‍റെ ഉടമസ്ഥതയില്‍ നിലനില്‍ക്കുന്നുവെന്നതാണ് പ്രധാന പ്രത്യേകത. സഹകരണ മേഖലയില്‍ സോഫ്റ്റ്‌വെയര്‍ വ്യാപിപ്പിക്കാന്‍ ഏകദേശം 1000 കോടി രൂപ ചെലവ് വരുമായിരുന്നു.
ഏകദേശം 23,000 സഹകരണ സംഘങ്ങളിലേക്കും കുറഞ്ഞ ചെലവില്‍ സോഫ്റ്റ്‌വെയര്‍ വ്യാപിപ്പിക്കാന്‍ സാധിക്കുമെന്നും മുഖ്യമന്ത്രി പറഞ്ഞു.
സഹകരണ സോഫ്റ്റ്‌വെയര്‍ പദ്ധതിയില്‍ 700 കോടിയുടെ അഴിമതി നടന്നുവെന്നായിരുന്നു രമേശ് ചെന്നിത്തലയുടെ ആരോപണം.
ADVERTISEMENT
ADVERTISEMENT
SPACE FOR ADVERTISEMENT
Contact Numbers :
+91 481 2566706, 2566707, 2566708
About Us Feedback Privacy Policy Terms and Conditions for Online Payment
E-paper LOGIN
LOGIN